| 21.03.2010 Fótbóltsárið 2010 byrjað Stuttligt er at síggja, nú 105 ár eru liðin síðan MB varð stovnað, at bláu og hvítu blusurnar enn bleiktra á snórunum í bygdini. Gamaní verða búnarnir vaskaðir við Ariel Mega Light, og ikki lagdir í landtunnuna, soleiðis at litirnir og lukturin eru munandi betur. Men eins og fyri 105 árum síðani savnast bygdarfólkið enn um felagið og ungdómin Niðri á Sandinum. Fyrsti dysturin á árinum endaði við ósigri, men hóast steypakappingin endaði fyri MB á hesum sinni, er nógv at spæla fyri. Mótstøðuliðið Skála, sum fekk skarpan gang í fjør, fóru úr bygdini við einum sigri í pjøkanum, og víðari luttøku í kappingini um Løgmanssteypinum. ;) Hetta var fyrsta styrkisroyndin hjá unga MB liðnum, sum framyvir fer at menna seg til at kunna bjóða teimum "størru" liðunum av. Áskoðarar og stuðlar bíða spentir til næsta dyst. |
  |